گپچاڻي (ن پ ا) گپچاڻي ڀرسان گلڻ واٽر اسٽاپ وٽ سي آءِ اي پوليس جو گودام تي ڇاپو، نقلي ڀاڻ جون 300 ٻوريون ۽ ڪيميڪل ھٿ، 2 ڄڻا گرفتار،ان ڏس ۾ گپچاڻي ڀرسان گلڻ واٽر وٽ قاسم سٽي ۾ سي آءِ اي پوليس جي ڊي ايس پي مبين پرهياڙ ۽ ايگريڪلچرل جو ايڊيشنل ڊرائريڪٽر محمد رمضان چنا جي اڳواڻي ۾ ڀاڻ ٺاهيندڙ گودام تي ڇاپو هنيو ويو، ڇاپي دوران گودام مان 300 ٻوريون نقلي ڀاڻ، ڪيميڪل ۽ ڀاڻ ٺاهيندڙ مشينون ھٿ ڪري پوليس 2 ڄڻن شاھ محمد بروھي ۽ ھڪ نامعلوم کي گرفتار ڪري کڻي وئي، جڏهن ته ھٿ آيل نقلي ڀاڻ سي آءِ اي پوليس پنھنجي تحويل ۾ وٺي ڇڏيو، ان حوالي سان ايڊيشنل ڊائريڪٽر ايگريڪلچرل شھيد بينظير آباد محمد رمضان چنا ٻڌايو ته ضلعي شھيد بينظير آباد ۾ نقلي ڀاڻ بابت شڪايتون مليون ھيون، ڳجھي نشاندهي تي سي آءِ پوليس سان گڏجي گدام تي ڇاپو ھنيو، ھتي ڊي اي پي ڀاڻ ۽ زنڪ جون سوين ٻوريون نقلي ڀاڻ جي نالي سان ٺاھي مختلف شھرن ۾ وڪرو ڪيو وينديون ھو. نقلي ڀاڻ ٺاهيندڙن خلاف ڪارروائي ڪئي ويندي.