گولاڙچي (ن پ ا) گولاڙچي ۾ ڊجيٽل آدمشماري ڪندڙ عملي کي پيٽرول جا پئسا نه ملي سگهيا، اي سي آفيس آڏو احتجاج، ان ڏس ۾ تعلقي گولاڙچي ۾ ھلندڙ آدمشماري ۾ 20 سرڪلن ۾ ڪم ڪندڙ 150 کان وڌيڪ اينيوميٽرن کي فيلڊ ۾ وڃڻ لاءِ تيل جا پئسا نه مليا، جنھن خلاف عملي پاران اي سي آفيس اڳيان احتجاج ڪيو ويو، ان موقعي تي تراب چانڊيو، ملوڪ نوتڪاڻي ، فراز سنڌو ۽ ٻين دانهيندي چيو ته ھڪ پگھار گھٽ ، ٻيو مھانگائي گھر جي پورت نه ٿي ٿئي، فيول جا پئسا ڪٿان آڻيون،هنن اسان کي آدمشماري لاءِ سهولتون ڏنيون وڃن، ٻي صورت ۾ آدمشماري جو بائيڪاٽ ڪنداسين.
