ڪراچي(اسٽاف رپورٽر) ڪراچي جي پوش علائقي ڪلفٽن مان صحافي ۽ سماجي ڪارڪن ارسلان خان کنڀجي ويو. ارسلان جي گھرواري عائشه موجب جمعي جي رات 4 وڳي دروازي جي گھنٽي وڳي، 10 کان وڌيڪ اهلڪار گھر ۾ داخل ٿيا، جن جا منهن ڍڪيل هئا، انهن ارسلان کي رياست خلاف لکڻ جو چئي کنڀي کڻي ويا، عائشه موجب اهلڪارن ارسلان ۽ ڌيءَ جو موبائل فون وٺي ڇڏيو، اهلڪارن ليپ ٽاپ جو پڇيو بعد ۾ هنن ارسلان کي چيو ته تون اي ڪي 47 آهين نه؟ عائشه موجب اي ڪي 47 ارسلان جو ٽوئيٽر هينڊل آهي. ارسلان جي جبري گشمدگي تي ايمنسٽي انٽرنيشنل، صحافتي تنظيمن ۽ سياستدانن ڳڻتي جو اظهار ڪيو