ڪراچي(اسٽاف رپورٽر) ڪي اليڪٽرڪ پاران بجلي جي بلن ۾ ڪي ايم سي جو ميونسپل ٽيڪس لڳائڻ کانپوءِ شهرين جو رد عمل سامهون اچڻ شروع ٿي ويو. ڪراچي جي مختلف علائقن ۾ شهري ڪي اليڪٽرڪ جي گاڏين ۾ ڪچرو اڇلائڻ لڳا، گذريل ڏينهن هڪ شهري پاران ڪي اليڪٽرڪ جي گاڏي ۾ ڪچرو اڇلائڻ تان سندس ڪي اليڪٽرڪ جي عملدار سان منهن ماري پڻ ٿي، شهري ڪي اليڪٽرڪ جي گاڏي ۾ ڪچرو اڇلائيندي چيو ته ڪي اليڪٽرڪ بجلي بلن ۾ ڪي ايم سي جو ميونسپل ٽيڪس اوڳاڙي ٿي ته پوءِ ڪچرو به کڻي.
