لاهور (اسٽاف رپورٽر) مدرسي ۾ بدفعلي ڪرڻ واري ڪيس ۾ شاگرد صابر شاهه ۽ ملزم مفتي عزيز الرحمان جو طبي معائنو ڪرايو ويو. پوليس موجب ، ملزم ۽ متاثر شاگرد جو طبي معائنو پنجاب فرانزڪ سائنس ايجنسي طرفان ڪيو ويو آهي ، جنهن جي رپورٽ پوليس کي ڪجهه ڏينهن ۾ ملي ويندي. پوليس جو چوڻ آهي ته ملزم جو ڊي اين اي پي ايف ايس اي جي ڊيٽا بئنڪ ۾ پڻ رکيو ويو آهي ، ملزم ۽ شاگرد جي طبي معائني جو حڪم عدالت طرفان ڏنو ويو هو. ملزم عزيز الرحمان هن وقت چئن ڏينهن جي جسماني ريمانڊ تي پوليس جي حراست ۾ آهي ۽ خميس تي ٻيهر عدالت ۾ پيش ڪيو ويندو.
