ڪراچي (نمائندن وٽان)بدين ۾ قومي عوامي تحريڪ پاران سفير نظاماڻي سانول گوپانگ آمنا چانڊيو گيانچند مھيشوري ۽ ٻين جي اڳواڻي ۾ ڪڙيو گھنور کان گولاڙچي تائين مارچ ڪيو، بعد ۾ شھيد فاضل راهو چوڪ تي ڌرڻو هنيو ويو. ٺٽو ۾ ڊجيٽل آدم شماري، سنڌو درياءَ ۽ ٻين وسيلن تي ڌاڙن خلاف قومي عوامي تحريڪ پاران مڪلي کان پبلڪ پارڪ کان رڪشا اسٽاپ ٺٽو تائين 4 ڪلو ميٽر مارچ ڪري وڪيل منور ڀٽو، ياسر جاکرو، شبير ڀٽي، عبيد جماري، حبيب الله پليجو ۽ ٻين جي اڳواڻي ۾ ڌرڻو هنيو ويو. ڪوٽڙي ۾ ڊجيٽل آدمشماري ۽ قدرتي وسيلن تي ڌاڙن خلاف قومي عوامي تحريڪ پاران مقصود جهتيال، مبارڪ احمداڻي، ذاڪر گرگيز، شبير ساند، اياز ساند ۽ ٻين جي اڳواڻي ۾ مارچ ڪري احتجاج ڪيو. ڪڙيو گھنور ۾ قومي عوامي تحريڪ پاران سفير نظاماڻي سانول گوپانگ ۽ ٻين جي اڳواڻي ۾ 20 ڪلوميٽر مارچ ڪري ڌرڻو هنيو ويو.