خيبرپختونخواهه جي اڳوڻي وڏي وزير پرويز خٽڪ به پاڪستان تحريڪ انصاف ڪي پي جي صدارت ڇڏڻ جو اعلان ڪري ڇڏيو آهي
پريس ڪانفرنس کي خطاب ڪندي پرويز خٽڪ چيو ته مان ڪيترن ئي ڏينهن کان ملڪ جي سياسي صورتحال کي ڏسي رهيو آهيان، 9 مئي جي واقعن جي اڳ به مذمت ڪري چڪو آهيان
پريس ڪانفرنس دوران پرويز خٽڪ پي ٽي آءِ خيبرپختونخواهه جي صدارت تان استعيفيٰ جو اعلان ڪندي چيو ته ملڪ جو سياسي ماحول انتهائي خراب آهي، ان ماحول ۾ هلڻ مشڪل آهي
هن وڌيڪ چيو ته هو دوستن ۽ پارٽي ڪارڪنن سان مشاورت بعد مستقبل جو لائحه عمل جو فيصلو ڪندو، جيڪو پروپيگنڊا ڪيو پيو وڃي اهو درست ناهي، سوچي سمجهي فيصلو ڪيو آهي
ياد رهي ته ان کان اڳ اسد عمر به پاڪستان تحريڪ انصاف جي سيڪريٽري جنرل جي عهدي تان استعيفيٰ ڏئي چڪو آهي ۽ حڪومت سان ڳالهين لاءِ عمران خان پاران جوڙيل 7 رڪني ڪميٽي ۾ پرويز خٽڪ جو نالو به شامل هو
