ڪراچي (نمائندن وٽان) ايل بي او ڊي ۽ پراڻ ڍوري جي پاڻي ۾ ٻڏي ويل جهڏي ۾ ٻوڙان ٻوڙ جا منظر! پراڻ ڍوري ۾ چاڙهه بعد رهواسي خوف ۾ وڪوڙجي ويا، ڍوري جو پاڻي مختلف هنڌن تان اوور ٽاپ ڪري شهري آباد ۽ ڳوٺن ۾ داخل ٿي ويو
جهڏو شهر جي 80 سيڪڙو علائقن ۾ 3 کان 6 فُٽ تائين پاڻي بيٺل آھي، پاڻيءَ ۾ ڦاٿل ماڻهو خوراڪ، پيئڻ جو پاڻي ۽ دوائون ختم ٿيڻ سبب بيمار ٿيڻ لڳا
ملڪاڻي شريف ڀرسان پراڻ ڍوري کي لڳل گهارو 17 ڏينهن گذرڻ باوجود ٻڌجي نه سگهيو، گهار جي پاڻي اڳيان ايندڙ سوين ڳوٺن ۾ تباهي مچائي ڇڏي آھي
يوسي ملڪاڻي، سمن سرڪار ۽ ديهه ٻنگار ۾ ڪچا گهر مٽيءَ جي ڍير ۾ تبديل ٿي ويا آھن، ان سلسلي ۾ ڳوٺاڻن جو چوڻ آهي ته پنهنجي مدد پاڻ تحت گهارو ٻڌي رهيا آهيون پر انتظاميا ڪابه مدد نٿي ڪري
ڳوٺاڻن موجب رستو نه ملڻ ڪري سم نالن ۽ شاخن جو پاڻي ابتو وهڻ لڳو آهي، ٻوڏ متاثر خاندان کُليل آسمان هيٺ بي يارو مددگار ويٺل آھن، واھر ڪئي وڃي
ھي به پڙھندا
ٻوڏ متاثرن لاءِ تندور لڳائڻ واري ٽائيم نيوز جي اپيل کي زبردست موٽ
پنگريو ۾ متاثر انتظاميا طرفان مبينا لڪايل ٽينٽ ۽ راشن کڻي ويا
