ٽي ٽوينٽي ورلڊ ڪپ جي ڪواليفائنگ رائونڊ ۾ بنگلاديش پاپوا نيو گني کي هڪ طرفي مقابلي دوران 84 رنس تان شڪست ڏئي ايندڙ مرحلي لاءِ ڪواليفاءِ ڪري ورتو
مسقط ۾ کيڏيل ميچ ۾ بنگلاديش ٽاس کٽي پهرين بيٽنگ ڪرڻ جو فيصلو ڪيو ۽ 20 اوورز ۾ 7 وڪيٽس جي نقصان تي 181 رنس ٺاهيون، محمود الله ففٽي ۽ شڪيب الحسن 46 رنس ٺاهي نمايان رهيا. پاپوا نيو گني پاران ڪابوا موريا، ڊيون راوو ۽ ڪپتان اسد والا ٻه ٻه وڪيٽس ورتيون
پاپوا نيو گني جي سموري ٽيم 182 رنس جو هدف پورو ڪرڻ جي ڪوششن دوران ويهين اوور ۾ 97 رنس ٺاهي آئوٽ ٿي وئي. ڪو به بيٽسمين بنگلاديشي بالرز جي سامهون بيهي نه سگهيو ۽ 9 بيٽسمين ڊبل فگر ۾ به داخل نه ٿي سگهيا. ڪپلن دوريگا 46 رنس ٺاهي ٽاپ اسڪورر رهيو
بنگلاديش پاران شڪيب الحسن شاندار بولنگ ڪندي 4 وڪيٽس ورتيون، جڏهن ته محمد سيف الدين ۽ تسڪين احمد 2-2 وڪيٽس ورتيون. بنگلاديش ان ڪاميابي جي نتيجي ۾ گروپ بي مان سپر ٽويلو مرحلي لاءِ ڪواليفاءِ ڪري ورتو آهي، جڏهن ته گروپ اي مان سريلنڪا به ايندڙ مرحلي لاءِ ڪواليفاءِ ڪيو آهي
Bangladesh storm into the Super 12s with a massive win against Papua New Guinea!#BANvPNG | #T20WorldCup
— ESPNcricinfo (@ESPNcricinfo) October 21, 2021
