اسلام آباد(بيورو رپورٽ) اسلام آباد هاءِ ڪورٽ ۾ وفاقي راڄڌاني جي نئين مڪاني نظام کي چئلينج ڪيو ويو آهي، اسلام آباد ۾ مڪاني ادارن جي نمائندن نئين لوڪل گورنمينٽ آرڊيننس کي عدالت ۾ چئلينج ڪيو
درخواست ۾ چيو ويو آهي ته ميئر جي سڌي چونڊ ۽ ڊپٽي ميئر کي هٽائڻ قانون جي خلاف آهي ۽ غير چونڊيل ماڻهو جي ڪائونسل به قانون جي ڀڃڪڙي آهي
درخواستگذارن جو موقف آهي ته لوڪل گورنمينٽ ايڪٽ 2015ع جي موجودگي ۾ آرڊيننس ذريعي نئون نظام غير آئيني آهي
اسلام آباد هاءِ ڪورٽ صدر ۽ اٽارني جنرل کي نوٽيس جاري ڪندي گهرو سيڪريٽري ۽ قانون واري سيڪريٽري کان 11 جنوري تائين جواب طلب ڪري ورتو آهي
