اسلام آباد: نئين مالي سال ۾ پيٽروليم ليويِ 50 رُپيا في لِٽر ٿي ويندو، قومي اسيمبلي وفاقي بجيٽ ۾ ترميمن ۽ فنانس بل 23-2022ع جي اڪثريت راءِ سان منظوري ڏئي ڇڏي
15 کان 30 ڪروڙ رُپيا سالياني آمدني تي هڪ کان 4 سيڪڙو سُپر ٽئڪس لڳائڻ جي شق منظور ڪئي وئي آهي، 30 ڪروڙ کان وڌيڪ سالياني آمدني وارن 13 شعبن تي 10 سيڪڙو سُپر ٽئڪس لڳائڻ جي به منظوري ڏني وئي آهي
ايئرلائينز، آٽو موبائيل، مشروبات، سگريٽ، سيمينٽ، فرٽيلائيزر، فارما سوٽيڪل، شگر ۽ ٽيڪسٽائيل صنعتن تي 10 سيڪڙو سُپر ٽئڪس لڳايو ويندو، جڏهن ته بئنڪنگ شعبو به 10 سيڪڙو سپر ٽئڪس کان نه بچندو
ايوان جي ڪارروائي دوران متحده ايم اين اي صابر قائمخاني بجيٽ ۾ سندن منصوبا شامل نه ٿيڻ خلاف احتجاج ڪندي واڪ آئوٽ ڪيو
متحده ايم اين اي چيو ته حڪومت ۾ ويٺل هڪ ماڻهو اسان جا منصوبا بجيٽ ۾ شامل ڪرڻ نٿو ڏئي، عوام جهڙي تهڙي ماڻهو کي منٿون ڪرڻ لاءِ نه، پنهنجا مسئلا حل ڪرڻ لاءِ اُماڻيو آهي
هن چيو ته حيدرآباد ۾ بنيادي سهولتون نه آهن، حڪومتي بئنچز مان اپوزيشن بئنچز تي ويهڻ ۾ دير ئي نه لڳندي، حڪومتي ميمبرز جي رويي خلاف احتجاج ۽ واڪ آئوٽ ڪريون ٿا
ھي به پڙھندا
