وزيراعظم عمران خان پنجاب جي اڪثر حصن ۾ ڪنٽونمينٽ جي چونڊن جي نتيجن تي ڳڻتي جو اظهار ڪيو.
وزير اعظم عمران خان جي صدارت ۾ ڪنٽونمينٽ چونڊن جي نتيجن بابت اجلاس ٿيو جنهن ۾ وفاقي وزيرن ، پارٽي قيادت ۽ آفيسرن شرڪت ڪئي.
ذريعن ٻڌايو ته اجلاس ۾ ڪنٽونمينٽ چونڊن ۾ پي ٽي آءِ جي ڪارڪردگي تي غور ويچار ڪيو ويو.
ذريعن موجب وزيراعظم پنجاب جي اڪثر علائقن ۾ ڪنٽونمينٽ جي چونڊن جي نتيجن تي ڳڻتي جو اظهار ڪيو.
ذريعن ٻڌايو ته وزيراعظم هدايت ڪئي ته ڪنٽونمينٽ چونڊن جي نتيجن بابت تفصيلي رپورٽ ڏني وڃي ۽ ڏکڻ ، مرڪزي ۽ اتر پنجاب لاءِ الڳ الڳ رپورٽ تيار ڪئي وڃي.
ذريعن موجب وزيراعظم سڀاڻي لاهور ۾ اجلاس جي صدارت پڻ ڪندو.
ياد رهي ته مخالف ڌر جي جماعت مسلم ليگ ن پنجاب ۾ ڪنٽونمينٽ بورڊ جي چونڊن ۾ ڪاميابي حاصل ڪئي هئي.
پنجاب صوبي جي مختلف ڪنٽونمينٽ بورڊز جي سڀني 113 وارڊن جي غير سرڪاري نتيجن موجب مسلم ليگ ن 51 سيٽن سان برتري حاصل ڪري رھي آھي.
32 ۾ آزاد اميدوار ، 28 ۾ پي ٽي آءِ ، 2 وارڊن ۾ جماعت اسلامي جڏهن ته پ پ پ هڪ به سيٽ نه کٽي سگهي.
