اسلام آباد (بيورو رپورٽ) نواز ليگ جي نائب صدر مريم نواز اسلام آباد ھاءِ ڪورٽ جي فيصلي بعد چيو آھي تھ فيصلو ٻڌندي ئي سڀ کان پهرين نواز شريف کي ٻڌايو، الله پاڪ اڄ نواز شريف کي سرخرو ڪيو
اسلام آباد ھاءِ ڪورٽ ٻاھران ميڊيا سان ڳالھائيندي مريم نواز چيو تھ نواز شريف خلاف سموري سازش جو بينفشري عمران هو، نواز شريف تي الزام لڳائيندڙ شخص کي الله خوار ڪيو
Isamabad high court acquits Maryam nawaz sharif in the avenfield reference case .#مریم_جیت_گئی pic.twitter.com/LkplWaAMcA
— Mano Billi (@Amnabaj25) September 29, 2022
مريم نواز جو چوڻ ھو تھ عمران سازش ۾ ناڪام ويو، کيس جواب ڏيڻو پوندو، عمران نيازي چيو ته اسان کي بس کيڏڻو آهي، عمران نيازي عوام جي تقديرن سان کيڏيو
عمران خان ملڪ کي اوول ۽ قذافي اسٽيڊيم سمجهيو آهي، ڇا ملڪ جي پرڏيهي پاليسي راند آهي، جيڪي به ڪوچز آهن، انهن جو به حال اهڙو ئي ٿيندو
مريم نواز جو چوڻ ھو تھ عمران خان کي هاڻي قانون سان منهن ڏيڻو پوندو، اسان عوام جي لاءِ ڪم ڪيو آھي، عمران خان ۽ سندس ٽيم عوام کي تباھ ڪري رھيا آھن
ھي به پڙھندا
اسلام آباد هاءِ ڪورٽ مريم نواز کي ايون فيلڊ ريفرنس مان آجو قرار ڏئي ڇڏيو
