مٺي:مٺي ۾ غربت ۽ بيروزگاري کان تنگ ڳوٺاڻي خودڪشي ڪري ڇڏي، پارواڻي ڪالوني ۾ 6 ٻارن جَي پيءُ پريتم ميگهواڙ جو گهر مان ڦاهو کاڌل لاش مليو، وارثن جو چوڻ آهي ته پريتم غربت ۽ بيروزگاري سبب پريشان هو.
عمرڪوٽ ڀرسان ناري گڏي ميگهواڙ جو لاش مليو، وارثن آپگهات قرار ڏئي ڇڏيو، ڪنري جَي ڳوٺ لال دين پنجابي ۾ عورت مورو ڪولهي طرفان گهرو اڻبڻت تان زهر پي آپگهات جي ڪوشش، ڳڻتي جوڳي حالت ۾ حيدرآباد ريفر ڪيو ويو.