ڪراچي (اسپورٽس ڊيسڪ) پاڪستان ڪرڪيٽ ٽيم جي اوپنر فخر زمان جو تڪراري رن آئوٽ ٿيڻ واري مامري تي چوڻ آهي ته منهنجي غلطي هئي، ڊي ڪوڪ کي قصور وار نٿو قرار ڏئي سگهجي، مونکي پوئتي نه ڏسڻ گهرجي ها. فخر زمان ورچوئل پريس ڪانفرنس ۾ چيو ته ڏکڻ آفريڪا کي سندس هوم گرائونڊ تي شڪست ڏيڻ سولو نه هو، ٽيم تمام گهڻي محنت ڪئي، جنهن جو نتيجو مليو آهي. هن چيو ته ڪافي ڏينهن کان سٺي ڪارڪردگي ڏيکارڻ لاءِ بي چين هيس، ٽي ٽوئنٽي لاءِ به پراميد آهيان ته سٺي اننگز کيڏندس.
