اسلام آباد:اسلام آباد پوليس ادارن کي بغاوت لاءِ ڀڙڪائڻ جي الزام رٽائرڊ جنرل امجد شعيب کي گرفتار ڪري ورتو آهي، رٽائرڊ جنرل امجد شعيب خلاف رمنه ٿاڻي تي ڪيس به داخل ڪيو ويو
ايف آءِ آر موجب ماجسٽريٽ اويس خان درخواست ڏني آهي ته هڪ ٽي وي شو دوران تجزيا نگار امجد شعيب سرڪاري ملازمن کي سندن فرض سرانجام نه ڏيڻ لاءِ ڀڙڪايو
ايف آءِ آر ۾ درخواست گذار جو وڌيڪ چوڻ هو ته سڀاڻي کان ڪير به آفيسز ۾ نه ويندو ته حڪومت سوچڻ لاءِ مجبور ٿي ويندي، امجد شعيب حڪومت، اپوزيشن ۽ ملازمن وچ ۾ نفرت پيدا ڪري ملڪ کي ڪمزور ڪرڻ جي سازش ڪئي آهي
گرفتار ڪيل امجد شعيب کي جڊيشل ماجسٽريٽ جي عدالت ۾ پيش ڪري جسماني رمانڊ جي استدعا ڪئي ويندي
هي به پڙهندا
جيل ڀريو تحريڪ دوران صرف 121 ڄڻن گرفتاريون پيش ڪيون:پنجاب پوليس
