قمبر( اسپورٽس نيوز) سٽي ڪپ هارڊ بال ٽي 20 ڪرڪيٽ ٽورنامينٽ جي نائين ميچ ۾ فرينڊس ڪرڪيٽ ڪلب سخت مقابلي کانپوءِ سنڌو ڪرڪيٽ ڪلب قمبر کي 1 وڪيٽ تان شڪست ڏئي رائونڊ کٽي ورتو. سنڌو ڪرڪيٽ ڪلب پھريان بيٽنگ ڪندي مقرر 20 اوورن ۾ 8 وڪيٽن جي نقصان تي 173 رنز ٺاھيون، جنهن جي جواب ۾ فرينڊس ڪرڪيٽ ڪلب آخري اوور جي آخري بال تي 9 وڪيٽن جي نقصان تي گھربل هدف پورو ڪري رائونڊ کٽي ورتو. فرينڊس ڪرڪيٽ ڪلب طرفان اعجاز مگسي 48، سليم سومرو 45 رنز ٺاھي نمايان رهيا ۽ بھترين بالنگ ڪندي شرف الدين ڏيپر ۽ عبدالرزاق سومرو 4-4 وڪيٽون وٺي پنهنجي ٽيم کي ڪاميابي ڏيارڻ ۾ اهم ڪردار ادا ڪيو.