اسلام آباد (بيورورپورٽ) ايف آءِ اي فرحت شهزادي عرف فرح گوگي کي پاڪستان آڻڻ لاءِ انٽر پول سان رابطي جو فيصلو ڪيو آهي. ايف آءِ اي ذريعن موجب فرحت شهزادي کي پاڪستان آڻڻ لاءِ انٽرپول سان رابطي جي فيصلي جي گهرو وزارت کان اجازت گهري وئي آهي. ذريعن جو چوڻ آهي ته فرحت شهزادي کي اشتهاري قرار ڏيڻ لاءِ عدالت کان ريڊ وارنٽ حاصل ڪيا ويا ويندا. ذريعن موجب فرحت شهزادي خلاف اسٽيٽ بئنڪ جي هدايت تي اينٽي ڪرپشن مني لانڊرنگ ايڪٽ تحت ڪيس داخل ڪيو ويو آهي، سندس اڪائونٽس مان غيرمعمولي ٽرانزيڪشن ٿي هئي.
