ڪراچي: صوبائي وزير شرجيل انعام ميمڻ چيو آهي ته عمران خان ۾ همٿ آهي ته سڀ کان پهرين صدر عارف علوي کان استيعفيٰ ڏياري، اليڪشن جي تاريخ وٺڻ لاءِ آيل عمران خان اسيمبليز تان استيعفائون ڏئي هليو ويو، عمران خان عوام کي بيوقوف پيو بڻائي
ڪراچي ۾ ميڊيا سان ڳالهائيندي صوبائي وزير شرجيل ميمڻ چيو ته عمران خان پنهنجي دور ۾ هڪ به منصوبو شروع نه ڪيو، هُن رڳو ساڍن ٽن سالن ۾ مخالفن کان انتقام ورتو
صوبائي وزير شرجيل انعام ميمڻ جو چوڻ ھو ته ريڊ لائن منصوبو تيزيءَ سان وڌي رهيو آهي، سنڌ حڪومت عوام کي ٽرانسپورٽ جون سهولتون فراهم ڪري رهي آهي، جلد ڪراچي ۾ بجليءَ تي هلندڙ گاڏيون شروع ڪنداسين
فيصلو ڪيو اٿئون ته سمورين اسيمبليز مان نڪري وينداسين: عمران خان
پي ٽي آءِ سربراهه عمران خان چيو ھو ته رتوڇاڻ کان بچڻ لاءِ اسلام آباد نه وڃڻ جو فيصلو ڪيو اٿئون، جيڪي هنن کي اين آر او ڏيندا آهن، اُهي ٻڌائين ته توهان کي خدا جو خوف ناهي جو ملڪ تي ايڏو ظلم ڪريو ٿا
فيصلو ڪيو اٿئون ته سمورين اسيمبليز مان نڪري وينداسين، هاڻي هن نظام جو حصو ناهي ٿيڻو، پنهنجي وڏن وزيرن سان ڳالهايو اٿم،پارلياماني پارٽيز سان مشاورت بعد اعلان ڪندس ته ڪهڙي ڏينهن اسيمبليز مان ٻاهر نڪرنداسين
ھي به پڙھندا
راولپنڊي ۾ جلسي کي خطاب دوران عمران خان چيو ته سائيفر کي ڊرامو قرار ڏيڻ ملڪ جي توهين آهي، حڪومت ڪيرائڻ جي سازش ۾ ملوث ماڻهو چون ٿا سائيفر ڊرامو آهي، اُن تي ڪوڙو بيانيو ٺاهيو ويو آهي، سائيفر ڊرامو هو ته قومي سلامتي ڪميٽي آمريڪا اڳيان احتجاج جو فيصلو ڇو ڪيو؟
ڪهڙو ڏوهه ڪيو جو سازش سان حڪومت هٽائي وئي، ساڍا ٽن سالن دوران طاقتور کي قانون جي ماتحت آڻڻ ۾ ناڪام ٿيو آهيان، ڇو ته نيب منهنجي نه، پر اسٽيبلشمينٽ جي ماتحت هو، مون کي چيو ويو ته احتساب کي وساري ڇڏيو
عمران خان چيو ھو تھ معيشت تي ڌيان ڏيو، جِن وٽ طاقت هئي، اُهي ڪرپشن کي خراب نه سمجهندا هئا، تنهنڪري چورن جو ٽولو اسان تي مڙهي ڇڏيو، حڪومت تي پريشر وجهڻ لاءِ پنڊي آيو آهيان، ملڪ کي بچائڻو آهي ته فوري چونڊون ڪرايون وڃن
ھي به پڙھندا
پيمرا اعظم سواتي جي تقرير، پريس ڪانفرنسز يا پروگرام نشر ڪرڻ تي پابندي لڳائي ڇڏي
