نئين دهلي (دلچسپ نيوز) شادي جي انوکي رسم، گهوٽ ڪنوار مهمانن آڏو ڪري پيا. پرڏيهي خابرو اداري جي رپورٽ موجب سموري دنيا ۾ شادي جون ڌار ڌار رسمون هجن ٿيون پر انهن ۾ ڪي ته اهڙيون انوکيون هونديون آهن جو ڏسندڙ کلي کلي کيرو ٿيو پوي اهڙي ئي هڪ انوکي رسم ڀارت ۾ ادا ڪئي وڃي ٿي. ڀارت ۾ شادي جي ان انوکي رسم جي وڊيو سوشل ميڊيا تي وائرل ٿي وئي.
وڊيو ۾ رسم تحت گهوٽ ۽ ڪنوار کي مهمانن اڳيان ڪرندي ڏسي سگهجي ٿو، گهوٽ ڪنوار کي ٻانهن ۾ کڻي اڳيان وڌي ٿو ۽ پويان ٻيو نوجوان کيس ڌڪو ڏي ٿو جنهن تي گهوٽ ڪنوار مهمانن اڳيان ڪري پون ٿا ۽ مهمان وري تاڙيون وڄائي کين داد ڏين ٿا، وڊيو وائرل ٿيڻ بعد صارفين جا دلچسپ تبصرا، گهوٽ جي همت کي زبردست داد ڏنو پيو وڃي.
ھي به پڙھندا
