اسلام آباد: وزيراعظم شهباز شريف جي صدارت هيٺ ملڪ اندر برساتن سبب آيل تباهي جي جائزي لاءِ اجلاس دوران وڏي وزير مراد علي شاهه سنڌ ۾ برساتن سبب ٿيل نقصان بابت بريفنگ ڏني آھي
وڏي وزير مراد علي شاھ چيو آهي ته سنڌ جي سمورن شهرن ۾ هيل تائين ٽن اسپيلز ۾ چوماسي جون برساتون پيون آهن، برسات دوران هيل تائين 47 ٻارن سوڌو 93 ماڻهو حياتي وڃائي ويٺا آهن
اجلاس ۾ بريفنگ دوران وڏي وزير مراد علي شاھ چيو ته صوبي ۾ مختلف شهرن کي ڳنڍيندڙ رستا 388 ڪلوميٽرز تائين بدترين متاثر ٿيا، 89 هزار 213 ايڪڙن تي بيٺل فصلن کي نقصان ٿيو آهي، 2 هزار 807 گهر طور ڊهي پيا
ھن چيو تھ سنڌ جي برسات متاثر علائقن ۾ رليف ۽ ريسڪيو آپريشن جاري آهي، برسات متاثر علائقن کي آفت سٽيل قرار ڏيڻ جو فيصلو ڪيو اٿئون، وفاقي سرڪار زرعي ترقياتي بئنڪ کي هدايت ڪري ته آفت سٽيل علائقن ۾ هڪ سال لاءِ زرعي قرض جي اوڳاڙي ملتوي ڪئي وڃي
ھي به پڙھندا
سنڌ ۾ وقفي وقفي سان برسات جاري، گھر ڊھي پيا، مختلف شھرن ۾ پاڻي نيڪال نه ٿيو
