ڪراچي (اسٽاف رپورٽر) سنڌ حڪومت ڪورونا جي وڌندڙ شرح باوجود صوبي ۾ اسڪول کولڻ جو فيصلو ڪيو آهي، سنڌ جي وڏي وزير مراد علي شاهه جي صدارت هيٺ ڪورونا ٽاسڪ فورس جو اجلاس ٿيو، جنهن ۾ سنڌ خاص طور تي ڪراچي ۾ ڪورونا جي صورتحال جو جائزو ورتو ويو
اجلاس ۾ فيصلو ڪيو ويو ته سنڌ ۾ اسڪول کليل رهندا ۽ صوبي ۾ تعليمي سرگرميون جاري رهنديون
ٽاسڪ فورس جي اجلاس ۾ صوبي جي سمورن خانگي ۽ سرڪاري اسپتالن جي سروي ڪرڻ جو به فيصلو ڪيو ويو آهي، ڪراچي ۾ ڪورونا ڪيسن جي شرح خطرناڪ حد تائين وڌي وئي آهي ۽ ملڪ جي شهرن ۾ سڀ کان وڌيڪ شرح ڪراچي ۾ 35 سيڪڙو تائين پهچي وئي آهي
اجلاس ۾ فيصلو ڪيو ويو آهي ته سمورن سرڪاري ۽ نجي اسپتالن جو سروي ڪيو ويندو، سروي ۾ اسپتالن جي گنجائش جو جائزو ورتو ويندو، وڏي وزير چيو ته اسپتالن ۾ ڪيتري گنجائش آهي ۽ وڌيڪ ڪيترري ضروت آهي ٻڌايو وڃي ۽ عوامي هنڌن تي ماسڪ پائڻ لازمي قرار ڏنو ويو آهي
اجلاس ۾ فيصلو ڪيو ويو آهي ته جيڪو سرڪاري آفيسر ماسڪ نه پائيندو ان تي ڏنڊ وڌو ويندو، ڏنڊ ۾ هڪ ڏينهن پگهار ڪاٽڻ جي تجويز آهي
اجلاس ۾ هي به فيصلو ڪيو ويو آهي ته شادي هالز، مارڪيٽس، عوامي هنڌن تي ماسڪ پائڻ لازمي هوندو، شادي تقريب ۾ کاڌو باڪس ۾ ڏيڻ جي هدايت ڪئي وئي آهي
اجلاس ۾ فيصلو ڪيو ويو آهي ته مارڪيٽس ۾ ويڪسين ٿيل ماڻهن جي داخلا جي اجازت هوندي، انتظاميه کي ويڪسينيشن ڪارڊ جو رڪارڊ چيڪ ڪرڻ لازمي هوندو
حڪومت ويڪسينيشن مهم پوري صوبي ۾ تيز ڪرڻ جو فيصلو ڪيو آهي، ايس او پيز تي سختي سان عملدرآمد ڪرائڻ جو فيصلو ڪيو ويو آهي
وڏي وزير چيو ته ڪورونا ڪيسز ۾ اضافو احتياطي تدبيرون اختيار نه ڪرڻ جو نتيجو آهي، عوام سهڪار ڪندو ته هن ڪورونا لهر تي به ڪنٽرول ڪري وينداسين
ھي به پڙھندا
 سنڌ حڪومت ڪورونا جي وڌندڙ شرح باوجود صوبي ۾ اسڪول کولڻ جو فيصلو ڪيو آهي، سنڌ جي وڏي وزير مراد علي شاهه جي صدارت هيٺ){kind=link}