ڪراچي: ايڪتا ڏهاڙي تي سنڌ جي سنڌ سان ملاقات جاري آهي، ٽائيم نيوز ۽ روزاني پنهنجي اخبار جي سڏ تي “سنڌ سان درد جو رشتو” جي سِري هيٺ ايڪتا ڏهاڙو ملهائڻ لاءِ سموري سنڌ ۾ ريليون ڪڍڻ جو سلسلو جاري آهي
ڪنڌڪوٽ، قمبر، عمرڪوٽ، مٺي ۽ شاهپور چاڪر ۾ ماڻهو ثقافتي ويس اوڍي ٻاهر نڪري آيا
نوابشاهه، دوڙ، ميرپور ماٿيلو، مٽياري، ميهڙ ۽ ٻين شهرن مان ايڪتا ڏهاڙي جون ريليون ڪڍيون ويون
نيو سعيد آباد، ڪوٽ غلام محمد، فريد آباد، نبي سر روڊ ۽ وارهه مان به ريليون ڪڍي ڌرتي ماءُ کي ڀيٽا ڏني وئي، جڏهن ته ٻوڏ متاثرن سان به ايڪتا جو اظهار ڪيو ويو
خانپور، گڊو، نصرپور کپرو، ڏيپلو، تنگواڻي ۽ ٻين شهرن ۾ به ماڻهو رستن تي نڪري آيا
گهارو ۾ به ثقافتي ويس وڳا اوڍيل شهرين جي ريلي ۾ قومي گيتن تي جهمريون هنيون ويون
وارهه ۾ هڪ سئو فوٽ ۽ بدين ۾ 50 فوٽ جا اجرڪ جا جهنڊا ڦڙڪايا ويا
ٽنڊو باگو ۾ ڪبوتر اڏاري ايڪتا ڏهاڙي جي شروعات ڪئي وئي
ٻوڏ متاثرن سان ايڪتا جي اظهار لاءِ هڪ منٽ جي خاموشي اختيار ڪئي ويندي
سنڌ ۾ رڳو ايڪتا جي رنگن جي بهار، عيد جهڙا منظر
ڪوٽڙي، دوڙ، فيض گنج، فريد آباد، ڪوٽ غلام محمد ۽ ٻيا شهر به ايڪتا جي رنگن ۾ رڱجي ويا
پنوعاقل، پير جو ڳوٺ، ٺٽو، بدين، دوڙ ۽ گهوٽڪي مان به ايڪتا ڏهاڙي جون ريليون ڪڍيون ويون
جيڪب آباد، ڪڍڻ، خانپور ۽ ٻين شهرن ۾ به ماڻهو ثقافتي ويس وڳا اوڍي نڪري آيا
نوشهرو فيروز، نوان جتوئي، ڪنڊيارو، ٺارو شاهه، جوهي، مانجهند ۽ ٻين شهرن ۾ به سنڌ جي ثقافت جا رنگ جرڪي پيا
ڀارت ۾ رهندڙ سنڌي به ايڪتا جي رنگ ۾ رڱجي ويا، بيلاس پور ۾ ايڪتا تقريب دوران مشهور فنڪار جَتن اُداسي سُر وکيري شرڪت ڪندڙن کي جهومائي ڇڏيو
آسٽريليا ۾ رهندڙ سنڌي ڪٽبن طرفان ايڪتا ڏهاڙو ملهايو ويو، عورتن طرفان شيخ اياز جي شاعري سان سنڌ امڙ کي ڀيٽا پيش ڪئي وئي
سکر ۾ جوڳي به ڌرتيءَ سان ايڪتا جي اظهار لاءِ مرليون وڄائيندا نڪري آيا
سکر ۾ جوڳي به ڌرتيءَ سان محبت ۽ ايڪتا جي اظهار لاءِ مرليون وڄائيندا نڪري آيا، جوڳي برادري پاران نانگ هٿن ۾ کڻي سکر پريس ڪلب تائين ريلي ڪڍي وئي
مرلي جي ڌنين تي نانگ نچائڻ کانسواءِ رقص به ڪيو ويو
ھي به پڙھندا
سنڌ جي سنڌ سان ملاقات وارو ڏھاڙو: سڄي سنڌ ۾ ٻوڏ متاثرن سان ايڪتا جو اظھار
