اسلام آباد(م ڊ) ملڪ ۾ دوائن جو بحران شديد ٿي ويو، فارماسوٽيڪل مينوفيڪچرنگ ايسوسيئيشن جي چيئرمين انڊسٽري بند ٿيڻ جو خدشو ظاهر ڪندي چيو آهي ته دوائون ٺاهيندڙ ڪمپنيون ڏيوالي جي ويجهو آهن. فارماسوٽيڪل مينوفيڪچرنگ ايسوسيئيشن جي چيئرمين سيد فاروق بخاري جو چوڻ آهي ته دوائن جو سخت بحران پيدا ٿي ويو آهي، ايل سيز نه کلڻ ۽ ڊالر جي وڌندڙ اگهه سبب دوائون نٿا ٺاهي سگهون. هن چيو ته اهڙي صورتحال ۾ ڪمپنيون ڏيوالي جي ويجهو آهن ۽ انڊسٽري بند ٿيڻ جو خدشو پيدا ٿي ويو آهي. سندس چوڻ هو ته اسان ڪيترائي ڀيرا لاڳاپيل اختيارين کي مسئلن کان آگاهه ڪيو پر اڃا تائين خدشا ختم ناهن ڪيا ويا، حڪومت پنهنجي رويي تي نظرثاني ڪري فارما انڊسٽري کي بچائي.