ڪراچي (ڊيسڪ رپورٽ) اپوزيشن ليڊر شھباز شريف چيو آھي تھ حڪومت مهانگائي ته ڪري ڇڏي پر آءِ ايم ايف سان ڳالهيون ناڪام ٿي ويون، هاڻ حڪومت پيٽرول ۽ ٻين شين جي اگهن ۾ واڌ جو فيصلو واپس وٺي
قومي اسيمبلي ۾ اپوزيشن ليڊر شهباز شريف هڪ بيان ۾ شهباز شريف چيو ته آءِ ايم ايف جا سمورا شرط مڃڻ باوجود ڳالهيون ناڪام ٿيون، ڇا اِها آهي حڪومت جي حڪمت عملي؟، حڪومت پنهنجي نااهلي سان مايوسي پکيڙي رياست ۽ شهرين جو رشتو ڪمزور ڪري رهي آهي، ملڪ ۾ صورتحال خطرناڪ ٿي وئي آهي.
ٻئي پاسي سنڌ جي صوبائي وزير سعيد غني چيو آهي ته پي ٽي آءِ ۾ اِن ڳالهه جو مقابلو آهي ته وڌيڪ نالائق ڪير آهي، نااهل حڪمرانن عوام جو جيئڻ تنگ ڪري ڇڏيو، پيٽروليم شين جي اگهن ۾ واڌ سان هر شئي مهانگي ٿي وئي، عوام ڪيڏانهن ويندو؟:
ڪراچي ۾ ميڊيا سان ڳالهائيندي سعيد غني چيو ته ڪڏهن وزير اعظم جرمني ۽ جاپان جي سرحد ملائي ٿو ڇڏي ته گورنر سنڌ کي لياقت علي خان جي شهادت جو هنڌ معلوم ناهي، وزيراعظم ۽ گورنر جا عھدا وڏا آھن، نااهل ماڻهن جي ڪري ملڪ جي بدنامي ٿي رھي آھي.
ھي به پڙھندا
بجلي ۽ پيٽرول جي قيمتن ۾ واڌ باوجود آءِ ايم ايف طرفان پاڪستان کان ڊو مور جو مطالبو