پاڪستان تحريڪ انصاف جي چيئرمين ۽ اڳوڻي وزيراعظم عمران خان چيو آهي ته مان جيل وڃڻ لاءِ تيار آهيان، گرفتاري جي ڪوشش سان اهي واعدا پورا ڪيا پيا وڃن جيڪي نواز شريف سان ڪيا ويا هئا
واضح رهي ته عمران خان جا ضمانت نه ٿيڻ جوڳا گرفتاري وارنٽ جاري ٿيڻ بعد اسلام آباد پوليس جي ٽيم لاهور پوليس جي وڏي نفري سان گڏ ڪيترن ئي ڪلاڪن سان زمان پارڪ ۾ موجود آهي، جتي ان کي پي ٽي آءِ جي ڪارڪنن جي طرفان مزاحمت جو منهن ڏسڻو پئجي رهيو آهي
ان صورتحال ۾ برطانوي نشرياتي اداري کي انٽرويو ۾ عمران خان چيو آهي ته مان جيل وڃڻ لاءِ تيار آهيان، جيل وڃڻ سان مون کي يا منهنجي سياست کي ڪو نقصان نه ٿيندو
عمران خان چيو آهي ته منهنجي گرفتاري جي ڪوشش سان اهو واعدو پورو ڪيو پيو وڃي جيڪو نواز شريف سان ڪيو ويو هو، نواز شريف پاڻ ٻه ڀيرا ملڪ مان ڊڄي فرار ٿي ويو
هن چيو ته منهنجي گرفتاري ٿيڻ جي صورت ۾ هڪ ڪميٽي جوڙي وئي آهي جيڪا پارٽي هلائيندي، گهر جي ٻاهران حمايتي حفاظت جي لاءِ موجود آهن، ماضي ۾ پارٽي اڳواڻن کي کنيو ويو ۽ مبينا طور تشدد جو نشانو بڻايو ويو
هي به پڙهندا
