لاهور: جهانگير ترين جي حامي گروپ جو دٻاءُ ڪم ڪري ويو، جنهن کانپوءِ پنجاب جو وڏو وزير سندن تحفظات ختم ڪرڻ لاءِ تيار ٿي ويو آهي. جهانگير ترين جي ويجهي ساٿي راجا رياض دعويٰ ڪئي آهي ته وزيراعليٰ هائوس پاران ساڻن رابطو ڪيو ويو آهي ۽ عثمان بزدار سان ملاقات جو امڪان آهي. راجا رياض چيو ته وزيراعليٰ هائوس چيو آهي ته هو تحفظات ختم ڪرڻ لاءِ تيار آهن. ذريعن جو چوڻ آهي ته پنجاب اسيمبلي ۾ پارلياماني ليڊر سعيد اڪبر واني سڀاڻي پنجاب اسيمبلي کي خطاب ڪندو ۽ ترين گروپ جي خلاف انتقامي ڪاررواين بابت اسيمبلي کي آگاهي ڏيندو. ڪالهه ، جهانگير ترين اسيمبلين ۾ هم خيال گروپ جي قيام کي پنجاب حڪومت جي ڪارروائين جو رد عمل قرار ڏنو هو ۽ چيو ته هن پنهنجو آواز بلند ڪرڻ لاءِ گروپ ٺاهيو هو پر پي ٽي آءِ جو حصو هو ۽ رهندو. ياد رهي ته جهانگير ترين جي مسئلي تي وزيراعظم گذريل مهيني سندن هامي گروپ سان ملاقات ڪئي هئي ۽ وزيراعظم علي ظفر کي معاملي جي جاچ جي ذميواري سونپي هئي جنهن کانپوءِ علي ظفر پڻ رپورٽ تيار ڪري چڪو آهي.
