جج صاحب اونهاري ۾ گرم ۽ سياري ۾ سردي وارو فيصلو ناهن ڏيندا: چيف جسٽس

0
318

لاهور: چيف جسٽس آف پاڪستان جسٽس گلزار احمد چيو آهي ته عدالتون آزاد آهن ۽ رهنديون، آزاديءَ سان فيصلا ڪنديون، عدالتي فيصلن کي ڪاوڙ ۽ تڪرار جو سبب نه بڻائڻ گهرجي

لاهور ۾ تقريب کي خطاب ڪندي جسٽس گلزار احمد چيو ته وڪيل کي صاحب قانون سمجهيو ويندو آهي، وڪيل کي خبر هجڻ گهرجي ته عدالت ۾ ڪيئن پيش ٿبو آهي، وڪيلن پڙهڻ ڇڏي ڏنو آهي، وڪيلن جو ڪم عدالت جي معاونت ڪرڻ آهي، ان ڪري وڪيل کي خبر هجڻ گهرجي ته سائل، جج ۽ ساٿي وڪيل سان ڪيئن پيش اچڻو آهي

 جسٽس پاڪستان چيو ته وڪيل ۽ جج هڪ ٻئي جا حريف نٿا ٿي سگهن ۽ نه ٿيڻ گهرجن، هن گهر جي تحفظ جو اصل ڪم وڪيلن ڪيو آهي، قانون جي حڪمراني لاءِ جج ۽ وڪيل هڪ ئي گهر ۾ رهي ڪم ڪندا آهن، هڪ ٻئي تي ناراض نه ٿيڻ گهرجي، ججن ۽ وڪيلن جي ڇڪتاڻ جو سبب سمجهه ۾ نٿو اچي

جسٽس گلزار احمد وڌيڪ چيو ته عدليه جي فيصلن کي عدليه جو رجحان چوڻ مناسب ناهي، عدليه جو ڪو به رجحان ناهي هوندو، جج صاحب گرمي جي موسم ۾ گرمي وارو ۽ سردي جي موسم ۾ سردي وارو فيصلو ناهن ڏيندا. جج جنهن ڪيس کي ٻڌندا تنهن جو حقيقتن موجب فيصلو ڪندا

ھي به پڙھندا

فوج جن قانونن جو سهارو وٺي ڪمرشل سرگرميون ڪري ٿي سي غير آئيني آهن: چيف جسٽس