ڀارتي سپريم ڪورٽ توهينِ رسالت جو بيان ڏيندڙ بي جي پي اڳواڻ نوپور شرما تي سخت ڪاوڙ جو اظهار ڪيو آهي
هڪ ڪيس جي ٻڌڻي دوران عدالت چيو ته ڀارت ۾ پيدا ٿيل ڇڪتاڻ واري صورتحال جي ذميوار نوپور شرما آهي، کيس قوم کان معافي وٺڻ گهرجي
ڀارتي سپريم ڪورٽ جي جج جسٽس سوريا ڪانت چيو ته نوپور شرما پنهنجي بيان سان ماڻهن جي دل آزاري ڪئي، ملڪ ۾ هن وقت جيڪي ڪجهه ٿي رهيو آهي ان جي ذميوار رڳو نوپور شرما ئي آهي
عدالت چيو ته نوپور شرما جو تڪراري بيان ۽ ان کانپوءِ اختيار ڪيل موقف انتهائي شرمناڪ آهي
نوپور شرما کي حضرت محمد صلي الله عليه وآله وسلم جي باري ۾ گستاخيءَ وارو بيان ڏيڻ تان بي جي پي ترجمان واري عهدي تان هٽايو ويو هو
ڀارت جي مختلف عدالتن ۾ سندس خلاف ڪيس به داخل ڪرايا ويا آهن
