راولپنڊي (م ڊ) بلوچستان جي علائقي آواران ۾ ڳجهي اطلاع تي سيڪيورٽي فورسز جي آپريشن دوران 3 دهشتگرد مارجي ويا. آءِ ايس پي آر موجب مارجي ويل دهشتگرد تربت روڊ تي آءِ اي ڊيز ڌماڪن ۽ فائرنگ ۾ ملوث هئا. دهشتگرد گذريل ٽن ڏينهن کان ڪيترن ئي حملن ۾ ملوث هئا، ٽنهي دهشتگردن کي ڳجهن ٺڪاڻن تي ويندي روڪيو ويو، دهشتگردن روڪڻ تي سيڪيورٽي فورسز تي فائرنگ ڪري ڏني. بيان موجب فائرنگ جي ڏي وٺ ۾ ٽئي دهشتگرد مارجي ويا، انهن جي قبضي مان هٿيار، گولا ۽ بارود جو ذخيرو هٿ ڪيو ويو آهي.
