برطانوي راڻي جي مڙس شهزاده فلپ جون آخري رسمون ادا

لنڊن (م ڊ) برطانوي راڻي جي مڙس شهزاده فلپ جون آخري رسمون ادا ڪيون ويون، شهزاده فلپ جي مڙهه کي آخري خواهش جي مطابق سندس ڊزائن ڪيل گاڏي ۾ ونڊزر ڪاسل آندو ويو، جتي سندس آخري رسمون ادا ڪيون ويون. شهزاده فلپ جي آخري رسمن جي شروعات ۾ هڪ منٽ جي خاموشي اختيار ڪئي وئي، آخري رسمن ۾ پرنس چارلس، پرنس وليم، پرنس هيري ۽ راڻي برطانيه شرڪت ڪئي. ان موقعي تي ڪورونا سبب شاهي خاندان جي صرف 30 ماڻهن شرڪت ڪئي، راڻي جي هدايت مطابق رسمن ۾ شريڪ ماڻهن کي ماسڪ پاتل هئا، سماجي وٿي به رکي. واضح رهي ته فلپ 9 اپريل تي 99 ورهين جي ڄمار ۾ لاڏاڻو ڪري ويو هو.