اسلام آباد: توانائي واري وزارت طرفان سڄي ملڪ ۾ سمورن گرڊ اسٽيشنز تي بجلي بحال ٿيڻ جي دعويٰ ڪئي وئي آهي
وفاقي وزير خرم دستگير پريس ڪانفرنس ڪندي چيو ته ملڪ ۾ بجلي جو نظام مڪمل طور تي بحال ڪيو ويو آهي، جوهري پلانٽ ٻيهر شروع ڪرڻ لاءِ ڪجهه وقت لڳي سگهي ٿو، اُن ڪري ملڪ ۾ 48 ڪلاڪن تائين لوڊشيڊنگ جو سلسلو جاري رهندو
وفاقي وزير خرم دستگير چيو ته اسان جي سسٽم ۾ ڪمپيوٽر هيڪنگ ذريعي پرڏيهي مداخلت جو خدشو آهي، اُن جي جاچ ڪئي پئي وڃي، گذريل ڏينهن نيشنل گـــِرڊ ۾ خرابي سبب سڄي ملڪ ۾ بجليءَ جو بريڪ ڊائون ٿي ويو هو
ملڪ ۾ بجلي جي بريڪ ڊائون سبب موبائيل نيٽ ورڪ ۽ انٽرنيٽ سروس به متاثر رهي، ملڪ جي مختلف شهرن اڃان به بجلي جي بندش جاري آهي، ڪٿي ڪٿي وري ڊگهي لوڊشيڊنگ آهي
هي به پڙهندا
نيشنل گـــِرڊ ۾ خرابي سبب بجليءَ جو ملڪگير بريڪ ڊائون، توانائي جي وزير رات 10 وڳي تائين جي ڊيڊلائين
