اسلام آباد(ويب ڊيسڪ) پاڪستان تحريڪ انصاف جي چيئرمين ۽ اڳوڻي وزير اعظم عمران خان امريڪي ڊالر جي اگهه ۾ تاريخ جي بلند ترين سطح تي پهچڻ تي رد عمل ڏنو آهي
ڊالرز جي اڏام: پاڪستان ۾ آمريڪي ڊالر اڏام جا سمورا ريڪارڊ ٽوڙي ڇڏيا، انٽر بينڪ ۾ ڊالر 18 روپيا ۽ اوپن مارڪيٽ ۾ 17 روپيا مهانگو ٿي ويو
انٽر بينڪ ۾ ڊالر 18 روپيا 89 پئسا مهانگو ٿيڻ بعد 285 روپين جو ٿي ويو، اوپن مارڪيٽ ۾ 17 روپين جي اضافي سان ڊالر 291 روپين جو ٿي ويو
گذريل ڏينهن ڊالر رپئي جي ڀيٽ ۾ 4 روپيا 61 پئسا مهانگو ٿيو هو، گذريل ڏينهن ڪاروبار بند ٿيڻ وقت ڊالر جو ملهه 266 روپيا 11 پئسا ٿي ويو هو، اڄ ڪاروبار جي شروعات تي ڊالر جي ملهه ۾ هڪ روپئي 89 پئسن جو اضافو ٿيو، ڊالر 268 روپين جو ٿيڻ بعد ان جي ملهه ۾ تيزيءَ سان واڌ آئي، انٽربينڪ ۾ ڊالر هاڻي 18 روپيا 89 پئسا مهانگو ٿي ويو
پي ڊي ايم حڪومت پاڪستاني ڪرنسي کي ذبح ڪيو: عمران خان
قدر میں 62%سےزائد یا ڈالر کےمقابلےمیں110روپےکی گراوٹ کی شکل میں PDMنے11 ماہ میں روپےکوعملاً ذبح کردیاہے۔اس سےقرضوں میں14.3کھرب کااضافہ،مہنگائی (31.5%)75سال کی بلندترین سطح تک جاپہنچی ہے۔قوم تبدیلئ حکومت کی سازش کی بھاری قیمت اداکررہی ہےجس کےذریعےسابقCOASنےمجرم قوم پر مسلط کئے pic.twitter.com/FwoFUalXEQ
— Imran Khan (@ImranKhanPTI) March 2, 2023
پي ٽي آءِ چيئرمين عمران خان ڊالر جي ريڪارڊ ٽوڙ اڏام تي تبصرو ڪيو آهي ته پي ڊي ايم جي 11 مهينن دوران پاڪستاني روپئي کي ذبح ڪيو ويو آهي، روپئي جي ملهه ۾ 62 سيڪڙو کان وڌيڪ جي لاٿ يا ڊالر جي ڀيٽ ۾ 110 روپين جي گهٽتائي ٿي آهي
پنهنجي ٽويٽ ۾ عمران خان چيو ته روپئي جو ملهه ڪرڻ سان پرڏيهي قرضن ۾ 14 ڏهائي 3 کرب جو اضافو ٿيو آهي، مهانگائي 31 ڏهائي 5 سيڪڙو جي شرح سان 75 سالن جي تاريخ جي بلند ترين سطح تي پهچي وئي آهي
هن چيو ته قوم حڪومتي تبديليءَ واري سازش جي ڳري قيمت ادا ڪري رهي آهي، سازش ذريعي اڳوڻي آرمي چيف قوم تي ڏوهارين کي مڙهي ڇڏيو
هي به پڙهندا