جوهي: رابطو ڪرڻ تي يوسي شاهه حسن جيضلعي ڪائونسل جي پ پ اميدوار ۽ شاهاڻي برادري جي سردار چاڪر خان جي پٽ بولا خان شاهاڻي چيو ته اليڪشن ۾ بيهڻ هر ڪنهن جو آئيني حق آهي، اسان ڪنهن کي نه ڌمڪي ڏني آهي نه ڪنهن کي اغوا ڪيو آهي. هن چيو ته عظيمان شاهاڻي جو وائيس چيئرمين پاڻ اليڪشن ۾ ناهي بيٺو، جنهن ڪري آر او سندن فارم رد ڪيو، باقي عظيمان ۽ سندس ٻيا اميدوار ڪاغذن جي جانچ پڙتال لاءِ صحيح سلامت آيا ۽ واپس پنهنجي گهر ويا، جيڪي هن وقت به آرام سان ستا پيا آهن، باقي اسان ڪنهن کي ڌمڪايو ناهي، الزام غلط آهن.