اسلام آباد: عمران خان سينيٽر اعظم سواتي تي تشدد واري واقعي خلاف عالمي ادارن سان رابطو ڪرڻ جو اعلان ڪري ڇڏيو، جڏهن ته اين اي 237 ملير ۾ ٻيهر ننڍي چونڊ ڪرائڻ جو مطالبو ڪيو آهي
اسلام آباد ۾ پريس ڪانفرنس ڪندي عمران خان چيو ته شهباز گل کانپوءِ سينيٽر اعظم سواتي کي ڪپڙن کان آجو ڪري ڪنهن جي چوڻ تي تشدد ڪيو ويو
هن چيو ته اليڪشن ڪرائڻ جو اعلان نه ڪيو ويو ته لانگ مارچ ڪنداسين، لانگ مارچ هلندڙ مهيني ئي ڪيو ويندو
عمران خان چيو ته فيصلو ڪري چڪا آهيون ته مارچ آڪٽوبر کان اڳتي نه ويندو، اين اي 237 ملير تي پيپلزپارٽي پاران بدترين ڌانڌليون ڪرايون ويون
عمران خان چيو ته ملير واري ننڍي چونڊ جي نتيجن کي تسليم نه ٿو ڪيان، ملير جي قومي تڪ تي ٻيهر چونڊ ڪرائي وڃي
ھي به پڙھندا
ننڍي چونڊ ۾ ن ليگ کي شڪست مهانگائي سبب ملي: راڻا ثناءُالله جو اعتراف
غلام احمد بلور جو شڪست قبولڻ کان انڪار: ثمر بلور جون پي ٽي آءِ کي مبارڪون
پشاور جي قومي تڪ تي عمران خان جو اي اين پي جي حاجي غلام احمد بلور سان مقابلو
