آمريڪي ميڊيا جي رپورٽس موجب هڪ مقامي ٽي وي چينل تي اينڪرپرسن عورت موسم جون خبرون ٻڌائي رهي هئي ته اوچتو اسڪرين تي اگهاڙي وڊيو هلڻ شروع ٿي وئي
رپورٽس موجب ناظرين ذڪر ڪيل چينل تي موسم جون خبرون ڏسڻ بدران اگهاڙي وڊيو ڏسندا رهيا، جيڪا 13 سيڪنڊن تائين اسڪرين تي هلندي رهي. دلچسپ ڳالهه اها آهي ته موسم جون خبرون ٻڌائيندڙ عورت اينڪرپرسن کي اگهاڙي وڊيو هلڻ جي خبر ئي نه پئي ۽ هوءَ موسم جو حال احوال ٻڌائيندي رهي
پوليس ترجمان جو چوڻ آهي ته واقعي جي جاچ شروع ڪئي وئي آهي ۽ مختلف شهرن مان ماڻهن فون ڪالز ڪري وڊيو هلڻ جون شڪايتون ڪيون آهن. ٽي وي چينل جي انتظاميا جو چوڻ آهي ته واقعو غلطي سبب پيش آيو ۽ وڊيو کي فوري طور روڪيو ويو. چينل انتظاميا پنهنجي ناظرين کان معافي به ورتي ۽ اهو يقين به ڏياريو ته آئنده اهڙي غلطي نه ورجائي ويندي