گپچاڻي (ن پ ا) گپچاڻي واسين پاران روزاني پنھنجي اخبار ۽ ٽائيم نيوز جي سرواڻ جي سڏ جي آجيان، ايڪتا ڏينھن ڀرپور نموني ملھائڻ جو عزم، خبر موجب روزاني پنھنجي اخبار ۽ ٽائيم نيوز جي سرواڻ علي قاضي پاران ايڪتا ڏينھن انتھا پسندي کان آجي سنڌ جي عنوان سان ملھائڻ واري اعلان جي گپچاڻي جي سگھڙن، اديبن ۽ ساڃاهه وندن پاران آجيان ڪندي ڀرپور نموني ملھائڻ جو عزم ڪيو آھي، سگھڙ علم الدين گپچاڻي چيو ته سنڌ ڌرتي ھميشه پيار پنهنجائپ ۽ امن پسند جي ڌرتي رھي آھي، خاوند مري، نور علي گپچاڻي، عنايت بروھي، مقبول گپچاڻي ۽ ٻين چيو ته علي قاضي ايڪتا ڏھاڙي جو اعلان ڪري سنڌ واسين کي هڪ لڙهي ۾ پوئي ڇڏيو آهي.
