آئيڊاهو (انٽرسٽنگ نيوز) سيريل رڪارڊ بڻائيندڙ ڊيوڊ رش گهٽ وقت ۾ وڌيڪ ڦوڪڻن کي ٺونشا هڻي ڦاڙڻ جو نئون عالمي رڪارڊ قائم ڪيو آهي. ڊيوڊ رش ٽي وي سيريل “لائيو ود ڪيلي اينڊ مارڪ” ۾ هڪ منٽ ۾ 6 سئو ڦوڪڻن کي مُڪ هڻي ڦاڙڻ جو پنهنجي ئي گنيز ورلڊ رڪارڊ ٽوڙي ڇڏيو. رش جنهن ويجهڙ ۾ ئي 327 ڦوڪڻا ڦاڙڻ جو رڪارڊ قائم ڪيو هو، اي بي سي ٽاڪ شو جي سيٽ تي 630 ڦوڪڻا لڳايا ويا ۽ مقرر وقت ۾ پنهنجي باڪسنگ گلوز سان انهن مان 6 سئو ڦوڪڻا ڦاڙڻ ۾ ڪامياب رهيو. گنيز ورلڊ رڪارڊ جو هڪ جج موقعي تي موجود هو ۽ هن انهيءَ ڳالهه جي تصديق ڪئي ته رش پنهنجو ئي رڪارڊ ٽوڙي ڇڏيو آهي، رش وٽ 181 کان وڌيڪ رڪارڊن سان گڏ دنيا ۾ سڀ کان وڌيڪ گنيز ورلڊ رڪارڊ جا ٽائيٽل آهن.
