گم ڪيل ماڻهو ڪٿي آهن؟: سپريم ڪورٽ ۾ آئيني بئنچ گم ڪيل ماڻهن جي ڪيس ۾گهرو وزارت کي نوٽيس جاري ڪري ڇڏيا، رپورٽ به طلب، جسٽس امين الدين جي سربراهي ۾ آئيني بئنچ گم ڪيل ماڻهن بابت ڪيس جي ٻڌڻي هلائي، جسٽس جمال مندوخيل ريمارڪس ڏيندي چيو ته منهنجي نظر ۾ گم ڪيل ماڻهن جو ڪيس حساس نوعيت جو آهي، ماڻهن جي زندگي وڏي اهميت رکي ٿي، هتي ته هزارين ماڻهو گم آهن، اسان وٽ لطيف کوسو ۽ اعتزاز احسن جهڙا سينيئر قانوندان موجود آهن، ان مسئلي جو حل پارليامينٽ کي ڪڍڻو آهي، آئيني بئنچ گهرو وزارت، اٽارني جنرل ۽ ٻين ڌرين کي نوٽيس جاري ڪندي ٻڌڻي ايندڙ هفتي تائين ملتوي ڪري ڇڏي.