گمبٽ (ن پ ا) گمبٽ ۾ ڏينهن ڏٺي نامعلوم هٿياربندن هٿيارن جي زور تي ابل واهه پل وٽان اسڪول کان واپس گھر ايندي ليڊي ٽيچر ڪلثوم ميمڻ کان 4 تولا سونا زيور، موبائيل فون، روڪ رقم ۽ ٻيو سامان ڦر ڪري ورتو، ليڊي ٽيچر جي مڙس استاد راشد ميمڻ ٻڌايو ته گھر واري سرڪاري اسڪول مان موڪل کان پوءِ پنهنجي گھر واپس اچي رهي هئي ته نامعلوم هٿياربندن هٿيارن جي زور تي ابل واهه تي يرغمال بڻائي 4 تولا سونا زيور، موبائيل فون ۽ روڪ رقم ڦر ڪري ورتي، پوليس ٻڌايو ته واقعي واري هنڌ پهچي تفصيل ورتا آهن، جلد جوابدارن کي گرفتار ڪيو ويندو.
