نوان جتوئي (ن پ ا) سنڌي ادبي سنگت شاخ نوان جتوئي پاران شاعر گدا خاصخيلي جي چاليهي جي تقريب ڪوٺائي وئي، جنهن جي صدارت تاج جويو ڪئي، مهمان خاص سيد اظهر علي شاهه هو، جڏهن ته اعزازي مهمانن ۾ ادريس جتوئي، محرم چنا، مظهر خاصخيلي، محبتي ملاح، رضا لانگاهه ۽ حاجن جانوري هئا، تقريب ۾ ٻن ڪتابن ( دل جي داستان ۽ مان ايڪيهين صدي آهيان) جي مھورت پڻ ڪئي وئي، اڳواڻن خطاب ڪندي چيو ته گدا جهڙا انمول هيرا صدين کان پوءِ جنم وٺندا آهن، سندس شاعري امن سلامتي ۽ ماروئڙن جي دردن جي دانهن هئي، گدا خاصخيلي جو وڇوڙو نه رڳو سندس خاندان لاءِ پر سموري سنڌ جي ادبي دنيا لاءِ وڏو خال آهي، تقريب کي سائل پيرزادو، مارو جمالي، عبالجبار کوسو، انيس خاصخيلي، مهجبين خاصخيلي پڻ خطاب ڪيو.
