ڪنڌڪوٽ (رپورٽر) ھونئن ته ڪچي ۾ ڏوھارين پنهنجي ٿاڪن کي محفوظ بڻائڻ لاءِ ڪرين مشينن سان چوڌاري وڏيون کائيون کوٽي ڇڏيون آھن ته جيئن پوليس موبائيل يا بڪتربند گاڏي ڪراس نه ڪري سگھي پر جي ڪراس ڪرڻ جي ڪوشش ڪري ته ان ۾ ڦاسي پوي پر ڊرون ڪيمرا جي مدد سان ٿيندڙ ڪارروائين ڏوھارين جون متيون منجھائي ڇڏيون آھن، اهڙي وڊيو وائرل ٿي آهي، وڊيو ۾ ڏسي سگھجي ٿو ته ڊرون جي خوف کان ڪچي ۾ ڌاڙيل زندگي بچائڻ لاءِ ڊوڙي رھيا آھن. ڊرون ڪيمرا ۾ ڏسي سگهجي ٿو ته ڪچي ۾ رهندڙ رهزن ڌاڙيل ڊرون ڪيمرا کي ڏسي پنهنجي ٿاڪن طرف ڍوڪندا ڀڄندا رهن ٿا.
