ٺٽو (رپورٽر) ڪينجهر ڍنڍ ۾ چاڙھه سبب ڳوٺ عبدالله گندرو پاڻي هيٺ اچڻ خلاف متاثر ڳوٺاڻن پاڻي نيڪال ۽ واهر لاءِ احتجاجي مظاهرو ڪري نعريبازي ڪئي، متاثر ڳوٺاڻن حاجي سومار گندرو، حاجي جمن، حاجي ھاشم، وڏيرو ممتاز گندرو، وڏيرو علي گندرو، نور حسن گندرو، ڊاڪٽر حفيظ گندرو، محمد علي گندرو ۽ ٻين چيو ته پاڻي گهرن اندر داخل ٿي ويو آهي، رستا به ٻڏي ويا آهن، پاڻ مرادو لڏپلاڻ ڪري رهيا آهيون، انتظاميا طرفان ڪا به واهر نه ڪئي وئي آهي، هنن چيو ته 10هزار کان مٿي آبادي جي واهر ڪرائي ڳوٺن مان پاڻي نيڪال ڪرائي تڪليفن کي منهن ڏيڻ کان بچايو وڃي.
