ڪيناڊا(انٽريسٽنگ نيوز) ڪيناڊا ۾ 500 ملين سال پراڻي ٽن اکين واري سامونڊي مخلوق جا باقيات دريافت ٿيا آهن. دريافت ٿيل جاندار جو نالو اسٽينلي ڪيرس هرپيڪس رکيو ويو آهي. هي دريافت برٽش ڪولمبيا ۾ مشهور برگس شيل فوسل سائيٽ مان آئي آهي، جيڪا ڪيمبرين دور جي جاندارن جي غير معمولي طور تي محفوظ ٿيل باقيات لاءِ مشهور آهي. هي مخلوق ڪيمبرين دور جو هڪ عجيب شڪاري هو جيڪو ريڊيوڊونٽ گروپ سان تعلق رکندو هو. ريڊيوڊونٽ جديد جيتن، مکين ۽ جهينگن جا ڏور مائٽ آهن. هي مخلوق لڳ ڀڳ 20 سينٽي ميٽر ڊگهي هئي، جيڪا اڄ ٻين جاندارن کان وڏي سمجهي ويندي آهي. ان جي سڀ کان نمايان خصوصيت ان جي ٽين وڏي اک آهي، جيڪا ٻن مرڪب اکين جي وچ ۾ واقع هئي. هي پهريون ڀيرو آهي جو ريڊيوڊونٽ گروپ ۾ ڪنهن جاندار ۾ ٽي اکيون ڏٺيون ويون آهن. مطالعي ۾ شامل 268 نمونن مان، 84 ۾ دماغ ۽ اعصابي نظام جا حيرت انگيز طور تي چڱي طرح محفوظ ٿيل باقيات شامل هئا. اهي باقيات ظاهر ڪن ٿا ته هن مخلوق جو دماغ ٻن حصن تي مشتمل هو.
