ڪوٽڙي(رپورٽر) پنهنجي اخبار ۽ ٽائيم نيوز جي سرواڻ علي قاضي جي سڏ تي ڪوٽڙيءَ ۾ انتهاپسنديءَ کان آجي سنڌ جي سري هيٺ ايڪتا ڏهاڙي جي شروعات رات جو ٻارهين وڳي ڏيئا ٻاري ڪئي وئي، جڏهن ته ڏيئا ٻارڻ واري تقريب ۾ ڪوٽڙيءَ جي سياسي سماجي اڳواڻن، اديبن ۽ شاعرن وڏي انگ ۾ شرڪت ڪئي، ان موقعي تي ناليواري فنڪار علي مراد جتوئي قومي گيت ٻڌائي ڏيئا ٻارڻ واري تقريب ۾ شامل ماڻهن کي جهومائي ڇڏيو، جڏهن ته مزاحيا فنڪار قادر بخش مٺو مزاحيا ٽوٽڪا ٻڌائي ماڻهن جي چهرن تي مرڪون وکيري ڇڏيون، ڪوٽڙيءَ ۾ ايڪتا عيد جي مرڪزي تقريب اڄ المدينا چوڪ تي ٿيندي، جتي احمد مغل سميت ناليوارا فنڪار فن جو مظاهرو ڪندا، جڏهن ته شهر جون سياسي سماجي ڌريون پڻ ريلين جي صورت ۾ المدينا چونڪ تي پهچي مرڪزي تقريب ۾ شامل ٿي وينديون.
