ڪنڌڪوٽ(رپورٽر)ڪنڌڪوٽ ۾ مهمداڻي_بنگوار خوني تڪرار ٻيهر ڀڙڪي پيو، هٿياربندن جي فائرنگ ۾ نوجوان ڌنار قتل، بي سيڪشن ٿاڻي جي حد اچانڪ موڙ وٽ هٿياربندن فائرنگ ڪري مال چاريندڙ ڌنار نوجوان پنھل ولد راضي مهمداڻي کي قتل ڪري ڇڏيو، واقعي بعد جوابدار فرار ٿي ويا، اطلاع تي پوليس واقعي واري هنڌ پهچي مقتول نوجوان جو لاش کڻائي اسپتال منتقل ڪري ڇڏيو، جتان ضروري ڪارروائي بعد لاش وارثن حوالي ڪيو ويو، جڏهن ته واقعي جو ڪيس داخل نه ٿي سگهيو آهي، مقتول نوجوان پنهل جي چاچي مسمات هاجران موجب 10 هٿياربند حملو ڪري اسان جي نوجوان کي قتل ڪيو آهي، واقعي ۾ بنگوار برادري جا هٿياربند ملوث آهن، نوٽيس وٺي کين گرفتار ڪري انصاف ڪيو وڃي،هن الزام هنيو ته پوليس جوابدارن سان ٻٽ بڻيل آهي.
