ڪنري (ن پ ا) ڪنري ويجھو مورجھنگو وٽ هاڪڙو ڍورو جي عارضي پُل لڙھي وڃڻ سبب 50 کان مٿي ڳوٺن جو زميني رابطو ڪاٽا ٿيڻ جي خبرن بابت انتظاميا تحرڪ ورتو، انتظاميا پاران پاڻي ۾ لڙھي ويل عارضي پُل کي ٻيھر بحال ڪرڻ جو ڪم شروع ڪري ڇڏيو، اسسٽنٽ ڪمشنر ڪنري محمد خان ڀنگوار جي نگراني ۾ عارضي پُل جوڙي ڳوٺاڻن جو زميني رابطو بحال ڪرڻ جو ڪم شروع ڪيو ويو، اي سي ڪنري محمد خان ڀنگوار جو چوڻ هو ته ابتدائي طور عارضي پُل ٺاھي ڳوٺاڻن جو زميني رابطو بحال ڪريون پيا، هاڪڙي ۾ پاڻي گھٽجڻ بعد پڪي ۽ نئين سر پُل تعمير ڪرائي ويندي، ھنگامي بنيادن تي ڪرين مشين لڳائي ڪم شروع ڪيو ويو، جلد پل اڏي ڳوٺاڻن جي پريشاني کي ختم ڪيو ويندو، ٻئي پاسي هڪ هفتي کان پُل نه هجڻ ڪري پريشان بڻيل ڳوٺاڻن ۾ پيل جو ڪم شروع ٿيڻ تي سرهائي ٿي وئي.
