ڪشمور(رپورٽر)ڪشمور ويجھو آرڊي 82 پل وٽ ڪاٺين جي آري مشين تي چوڪيداري ڪندڙ ڳوٺاڻو رسول بخش کوسو ھٿياربندن ھٿان اغوا ٿي ويو وارثن پاران ڪشمور ڪنڌڪوٽ انڊس هاءِ وي روڊ تي احتجاجي ڌرڻو ڏيئي روڊ بند ڪيو اي ايس پي راڻا دلاور ھڪ ھفتي جي مھلت وٺي مغوي بازياب ڪرائڻ جي خاطري بعد روڊ کوليو ويو، مغوي جي وارثن جو چوڻ هو ته گذريل رات نامعلوم ھٿياربند ھٿيارن جي زور تي 55 ورھين جي رسول بخش کوسو کي ڪاٺين جي آري مشين تان اغوا ڪري ملڪ لاڙو واري علائقي مان گذرندي ڪندي گڊو درياهه ڪراس ڪري ڪچي طرف کڻي فرار ٿي ويا آهن ،ڪشمور پوليس امن امان قائم ڪرائڻ ۾ ناڪام ٿي وئي جنهن بعد ڪشمور ڪنڌڪوٽ انڊس هاءِ وي روڊ تي ڌرڻو هڻي روڊ بند ڪيو ويو، اي ايس پي ڪشمور پھچي وارثن سان ڳالهيون ڪري روڊ کولرايو، ٽريفڪ بحال ڪرائي وئي، مغوي ڳوٺاڻي جو ڪو ڏس پتو نه پئجي سگهيو آهي، سندس گهر ۾ ڪهرام متل آهي.
