ڪرونڊي (رپورٽ: عبد الرحمان چانگ) ڪرونڊي ۾ دڪاندار پاران معصوم ٻارڙي سان زيادتي جي ڪوشش، ويڊيو رڪارڊ، شهري پهچي ويا، دڪان ۾ ڀڃ ڊاهه، جوابدار جا 2 پٽ گرفتار، واقعي جو ڪيس داخل، جوابدار هاف فراءِ، مقابلي جي دعويٰ، خبر موجب ڪرونڊي جي پپر چوڪ واري علائقي ۾ مٺائي جو دڪان هلائيندڙ 65 سالا دڪاندار لياقت جٽ 8 سالا ٻارڙي گل ناز ڌيءُ امداد ڪلهوڙو کي بند پيل جاءِ ۾ وٺي وڃي زيادتي جي ڪوشش ڪئي، جنهن دوران شهري پهچي ويا، جن اهڙي عمل جي ويڊيو رڪارڊ ڪرڻ بعد جوابدار کي پڪڙڻ جي ڪوشش ڪئي پر هو فرار ٿي ويو، ٻئي طرف مڇريل شهرين ۽ متاثر ٻارڙي جي وارثن جوابدار جي مٺائي جي دڪان ۾ ڀڃ ڊاهه ڪئي، اطلاع تي پوليس پهچي جوابدار جي ٻن پٽن کي گرفتار ڪري ورتو آهي، پوليس موجب جوابدار کي مبينا مقابلي ۾ زخمي حالت ۾ گرفتار ڪيو ويو آهي، پوليس موجب جوابدار خلاف سرڪار جي مدعيت ۾ ڪيس داخل ڪيو ويو آهي، جڏهن ته وڌيڪ جاچ ڪئي پئي وڃي.
| نياڻي مسجد وڃي رهي هئي ته جوابدار ورغلائي وٺي ويو: وارث
ڪرونڊي: متاثر ٻارڙي گلناز جي ڏاڏي پٺاڻي خاتون ٻڌايو ته سندس پوٽي گلناز قرآن پاڪ جو سبق وٺڻ لاءِ مسجد وڃي رهي هئي ته رستي ۾ مٺائي جو دڪان هلائيندڙ لياقت جٽ کيس لالچ ڏئي ورغلائي بند جاءِ ۾ وٺي ويو، جتي ان سان زيادتي ڪري رهيو هو ته شهرين کي خبر پئي، جن معصوم ٻارڙي کي بچائي ورتو، هن چيو ته اسان غريب مسڪين آهيون، ٻارڙي جو پيءُ راڻيپور ۾ مزدوري ڪندو آهي، هن چيو ته جوابدار کي گرفتار ڪري انصاف ڪيو وڃي.
|
