ڪراچي(اسٽاف رپورٽر) ڪراچي ۾ هڪ ڏينهن ۾3 مقابلا، 5 زخمين سميت 6 جوابدار گرفتار، ساحل ٿاڻي جي پوليس ۽ جوابدارن ۾ ڊفينس فيز 8 جي خيابان رومي ۾ مبينه مقابلو ٿيو. پوليس موجب فائرنگ جي ڏي وٺ بعد ٻن جوابدارن محمد فهد ۽ يحييٰ کي زخمي حالت ۾ گرفتار ڪيو ويو. ٻئي طرف پير آباد پوليس منگهوپير ۾ مقابلي بعد 2 جوابدارن سهيل ۽ حمزه کي زخمي حالت ۾ گرفتار ڪرڻ جي دعويٰ ڪئي. هوڏانهن زمان ٽائون پوليس موجب ڪورنگي ڪوسٽ گارڊ وٽ جوابدارن سان مقابلو ٿيو، جنهن ۾ هڪ جوابدار راحيل عابد زخمي ٿي پيو، جنهن کي سندس ساٿي راحيل شميم سميت گرفتار ڪيو ويو. پوليس موجب جوابدارن وٽان پستول، گوليون، موبائيل فون، روڪ رقم ۽ موٽرسائيڪلون هٿ ڪيون ويون آهن
